Dave
schrieb am 28. Februar 2020
Hey Chrigu, Merci viu mau für dini professionelle aber o lockere und lustige Fahrlektione. Ohne dini Geduld und moralisch Support hetti Prüfig äuä ni bestande 🙂 Aues Guete und liebi Grüss Dave
Aylin
schrieb am 27. Februar 2020
Dear Christof , I really thank you for your help, support and patience, with your professional approach and funny lessons I have got my driving license.
I will recommend you for my friends who need same lessons.
Best wishes, Aylin
Simu
schrieb am 20. Februar 2020
Sälü Chrigu
Merci fürd Hilf, isch super gsi und i vermisse "mi" Audi Q2 scho jetze 😭
Chume de i absehbarer Zyt vilich scho wider füre töff (oder wüui der Lappe mues abgä 😂).
LG Simu
Eva
schrieb am 19. Februar 2020
Es isch emal e Löli gsi, e richtig miesi Fläsche.
Dä het gmeint, Auto fahre sig e Frag vor passende Täsche.
Er het gmeint, im Chreisel chame ohni Blinke use,
und de Tempomat sigi da, dassme chli cha pfuuse.
Er het dänkt, er heig es Rächt uf Vortritt für immer,
het sich vorgstellt, de Elä mit sine Regle sig e rächte Spinner.
S'ganze Team vo Modern Drive het e chli e Schade,
so dass sie au im Winter gern id Aare gönd go bade.
Es isch emal e Löli gsi, dä hends a d'Prüefig gloh,
er het gmeint, mit chli Glück wärdi er bestoh.
So heter denn das Permis gholt, grad bim 1. Mal.
De Elä schreit und isch froh - s'isch vrbi mit dere Qual!Bitte gönd zu Modern Drive, sie lehred au die Dumme,
gäbed doch mi Name ah, dassi Provision bechume (Eva Joho).Liebi Mädels, liebe Elä, es isch fantastisch gsi mit euch! Merci tuusig für dini Ängelsgeduld, Elä! <3 Ich empfile euchi Fahrschuel, vor allem au Usserkantonale, wärmschtens wiiter!
Herzlichst, euchi ehemaligi Lieblingsfahrschüelerin Eva
Stibe
schrieb am 6. Februar 2020
Ciao Mike, Ha mi hie nomau wöue härzlech bedanke für die geili Zit mit dir. Es het kes einzigs Mau gä woni ke lust ha gha zu dir z cho. Mit dire Fähigkeit, amene Mönsch Sach ufene möglechscht eifachi und gueti Art übere z bringe, hani Freud gha ide Fahrstunde und schnäu öppis glernt. Üsi Lachflashes im Outo wirdi o nie vergesse! Blib so wide bisch und i wirde di a jedem wo Theorieprüefig im Sack direkt empfehle. Aues het gstumme vo Kompetenz über würklech öppis lerne und blöd due!! 😉LG Stibe
Noé
schrieb am 3. Februar 2020
Ciao Chrigu. Ha hie no wöue merci säge! Dini Lockerheit het mir vor dr Prüefig ghuufe abezfahre und e aständigi Leistig härezlege. Viu spass witerhin und merci 🙂
Cedric
schrieb am 30. Januar 2020
Hey Mike, merci viu mau für di luschtige Fahrstunde mit dir! Dank dire luschtige, kollegiale aber sehr profesionelle Art hani mi immer gfröit Mit dir chli dürd Gägend z fahre.
Merci für aus u hoffentlech bis gli😄
LG Cedric
Raphael
schrieb am 29. Januar 2020
Hey Chrigu, merci viu mau für dini Fahrstunde u dini psychologischi Betröiig vor dr Prüefig! Het immer mega gfägt mit dir go ds fahre. Dür dini ruhigi und agnähmi Art si die Fahrte geng schön gschmeidig gsi 😉
Lg Räfu
Michi
schrieb am 27. Januar 2020
Liebe Elä, merci viu mau für au di schöne, luschtige und lehrriche Fahrstunde. I ha mi immer mega uf d Fahrstunde gfreut ni nume fürs lehre outofahre, sondern ou um mit dir chönne z rede. I cha modern drive sehr witerempfehle.
Wünsche dir und am Team Aues Guete!
Vilech gseht me sech mau im Breitsch 😉
Muriel
schrieb am 23. Januar 2020
Liebe Chrigu, merci viu viu mau für aui die tolle Fahrstunde, wo i mit dir ha dörfe erläbe. Si si immr sehr lehrrich und lustig gsi. Merci oh, für ds de niemaus dini Gedud mit mir und au mine viune Frage verlore hesch. I bi immr sehr gärn id Fahrstunde cho, wöu mit dinere lockere und ruhige Art macht z Outo fahre sehr Spass. Es isch es sehr es tolls Team und si gäbe sich aui Mühe dir ds Outofahre suber bi z bringe 🙂 I cha dr Chrigu aus Fahrlehrer und Modern Drive würk nur witerempfähle und wünsche näch aues Guete.
